ட்விஸ்ட் இன் தி டேல்

"ஹீரோ நம்ம அஜித் சார். ஹீரோயின் நயந்தாரா... ஹீரோவோட அப்பா டில்லி கணேஷ்.. ஹீரோவோட ஃப்ரெண்டு நம்ம விவேக்.... ஹீரோவுக்கும் ஹீரோயினுக்கும் லவ் ஏற்படுது.. ரெண்டு பேரும் ஹோட்டலுக்குள்ள போறாங்க.. ஒரு பேஷனேட் ஸாங்.. அது முடியும்போது அங்கே ஒரு கொலை நடக்குது.. எல்லாரும் ஹீரோ மேல சந்தேகப் படறாங்க.. அப்பொ ஒரு டிடெக்டிவ் வர்ரார்.. அது நம்ம பிரகாஷ்ராஜ். அவருக்கும் அஜித் மேல சந்தேகம். நிறைய சம்பவங்கள் அஜீத்தையே சந்தேகப்படறமாதிரி வருது. அதனால அஜித்தை க்ளோஸா வாட்ச் பன்னறார். நயந்தார அஜீத்தை வெறுக்க ஆரம்பிக்கிறாங்க.

டெல்லி கணேஷ் தன்னோட மகன் கஷ்டப்படறது பொறுக்காம அவரை லண்டன் பிசினஸ் பண்ண அனுப்பறார். விவேக்கும் போறார். நயந்தாரா மேற்படிப்புக்காக பாரிஸ் போறாங்க. அங்கே ஒரு ரயில்லே மறுபடியும் யதேச்சையா சந்திச்சுக்கறாங்க.. ரெண்டு பேருக்கும் தயக்கம். மெதுவா பேச ஆரம்பிக்கிறாங்க. சோலோ இன்டுவிஜுவல் சாங்க்.. கொஞ்சம் பேதோஸான சாங். ரெண்டு பேருக்கும் ஒரு கதகதப்பான ஃபீலிங் வருது. அவங்க அடிக்கடி மீட் பண்ணி பழைய காதலை ரென்யூ பண்ணிக்கறாங்க. கல்யாணம் பண்ணிக்கலாம்னு முடிவு செஞ்சு, இந்தியா வந்து இறங்கறாங்க..

ஆனா, கல்யாணத்துக்கு மொத நாள் ராத்திரி அதே பழைய ஸ்டைலுல இன்னொரு கொலை நடக்குது. அஜீத் மேல இன்னும் சந்தேகம் வலுக்குது. மறுபடியும் பிரகாஷ்ராஜ் அங்கே என்ட்ரி.

அவர் சந்தேகம் எல்லார் மேலயும் வருவது மாதிரி சம்பவங்கள் நடக்குது. அஜீத்தாத்தான் இருக்கனும். விவேக்கா இருக்கலாம். நயந்தாராவா இருக்கலாம். இப்படியே சந்தேகங்கள் ஒவ்வொருத்தர் மேல மாறி மாறி வருது.

க்ளைமேக்ஸ்ல எல்லாரும் ஒரே ரூம்ல சந்திச்சுக்கறாங்க.. ப்ரகாஷ்ராஜ் எல்லாரையும் பார்த்துப் பேசறார். குற்றத்தை ஒப்புக்கிட்டா தண்டனை குறையும்னு சொல்லறார். இன்னும் யாருன்னு தெரியலை... அஜித்தா ? நயந்தாராவா ? விவேக்கா ?

எல்லார் மூஞ்சிலயும் வியர்வை."

"சூப்பர்.. கதை பின்னுது.. கடைசியில யார் கொலைகாரர்.. ?"

"அங்கேதான் சார் ட்விஸ்டு.. கொலைகாரன் வந்து நம்ம அஜீத் சார் !!"

"ஆஹா.. சூப்பர்.. இத்தன நேரம் டெல்லி கணேஷைத் தான் நான் சந்தேகப்பட்டுட்டு இருந்தேன்.. ஏன்னா அவர் மேலதான் எந்த சந்தேகமும் வரலே... !! ஹ ஹ.. கடைசில அஜீத்தேதான் கொலைகாரரா... அடடா... ப்ரமாதம். "

"ஹெஹெ,.. தாங்க் யூ சார்!!"