விகடனில் பிரசுரிக்க என்ன வழி ?

என் அம்மா எழுதிய கவிதை...

ஆயிரமாயிரம் மூளை இயந்திரங்களின் தொழிற்சாலை
படியளக்கும் பராசக்தியின் கர்ப க்ரஹம்
கற்பனைச் சிறகுகள் விரியும் கருவூலம்
பாணிக்ரஹணம் செய்த பத்தினி(கணிணி)யின் பள்ளியறை
இமை மூட மறுக்கும் நேரம் முழுதும் இவளோடே
இருப்பதனால் சுவாசத்தில் கூட C++ தான் வருகிறது.

--------------------------------------

எனது கவிதை (சாரி ! But I warned you !)...

உலகம் யாவையும் தாமுளவாக்கலும்
நிலைபெருத்தலும்,நீக்கலும் நீங்கலா
அலகிலா விளையாட்டு உடையார் யார் ?
கம்பரே !
ஒவ்வொரு க்யூபிகிளிலும் எட்டிப் பாரும்.
தெரியும் சேதி !

நாலுக்கு ஆறு சதுர அடிகளில்
உலகளக்கும் வாமனர்கள் இங்கே !
அவரவர் உலகங்களில் அவரவர் சஞ்சரிப்பு !

முறைவாசல் முறை இல்லா இந்த
அடுக்கு மாடி குடியிருப்புகளில்
அக்கம் பக்கம் பேச்சுக்கள் எல்லாம்
ஆறு மணிக்கு மேல்தான்.

அவரவர் வீட்டுக்குள் சென்றுவிட்டால்
தன் தடுப்பு சுவர் தாண்டி
உலகமே இல்லை என்ற பிரஞ்கை.
உண்மைதானே !

இந்த வரிசை முறையைப்பார்த்து
எக்காளம் செய்ய வேண்டாம்!
மூன்று க்யூபிகிள் வாங்கிப் போட்டு
குடும்பம் நடத்தலாம் என்ற நிலமை
சென்னையில் சீக்கிரம்.

- கீர்த்திவாசன் ராஜாமணி