நச் !

வாஸ்தவமாகத்தான் தோன்றுகிறது. நமக்கு ஏன் இப்படியெல்லாம் யோசிக்கவருவதில்லை..

ரயிலில் பயணம் செய்யும்போது, ஒருவர் என்னிடம் பகவத் கீதை விற்க வந்தார். நான் ஒரு சேத்தன் பகத்தின் புஸ்தகம் வாசித்துக்கொண்டிருந்தேன். அவர், என்னிடம் இந்து மதத்தின் உயர்வுகளை போதனை செய்ய ஆரம்பித்தார், இலவசமாக.. இலவசமாகக் கிடைக்கும் பெரும்பாலானவை மதிக்கப்படுவதில்லை. எனக்கு ஏக எரிச்சல். என்னிடம் இவர் இந்து மத போதனை செய்ய வேண்டிய அவசியம் என்ன ? புஸ்தகம் வியாபாரம் செய்யவா இத்தனை சொல்கிறார், என்று யோசித்துக்கொண்டே வந்தேன். கடைசியில் "ஆர் யூ க்ரிஸ்டியன் ?" என்று கேட்டார். "ஒய் டஸ் இட் மேட்டர் ?" என்றேன். அவர் பேசவில்லை. எழுந்து சென்று விட்டார்.

திடீரென்று ஒரு நாள் என் அலுவலகத்தில் ஒருத்தி "நீ கோயிலுக்குச் செல்வது உன் வாழ்க்கையின் கடைசி நாளில் உனக்குப் பயன்படப்போவது இல்லை" என்றாள். எனக்குத் தூக்கிவாரிப் போட்டது.. அவள் ப்ராமணப் பெண்.. தற்போது ஒரு கிறுஸ்துவரைக் கல்யாணம் செய்திருக்கிறாள். நான் கேட்காமலேயே எனக்கு கிருத்துவ மத போதனைகள் சொல்ல ஆரம்பித்தாள். "உன் பாவங்களை உன் குடும்பத்தினர் யாராவது சுமந்து கொள்வார்களா ?? " என்றெல்லாம் அபத்தமாகப் பேசினாள். நான் அதை சொல்லியும் பார்த்தேன். நிறுத்தியபாடில்லை.

நாம் நினைக்கும் அளவுக்கு மதப் பிரச்சாரங்கள் இன்னும் ஓயவில்லை என்று தான் தோன்றுகிறது. இன்ஃபாக்ட் இன்னும் வலுவடைந்துள்ளது.

ஜெயமோகன் எழுதிய இந்தப் பதிவைப் படித்துப் பாருங்கள் (ஏராளமான பொழுது உடையவர்கள், பொறுமை உடையவர்கள் .. படியுங்கள்). தமிழர்கள் வரலாற்றை இவ்வளவு எளிதாகத் திரிக்க முடியும் என்பது விசித்திரமாக இருக்கிறது.

என்னைப் பொறுத்தவரை மதம் என்பது...... ஹ்ம்ம்ம்... அது என்னைப் பொறுத்ததாகவே இருக்கட்டும்.

பி.கு - இதற்கெல்லாம் நடுவில், இன்று காலை நம்ம ட்ரிங்ட்ரிங் பிரபு ஸ்ரீ காளேஷ்வர் பற்றி லின்க் அனுப்பினார். டாக்டர் செல்வம் மாதிரிதான் இவரும் என்கிறார். இருக்கக் கூடும். கொஞ்ச நாளில் குட்டு வெளிபடலாம்.